قصة(مشاعر دافئة) من قلمي

(مشـــــــــــــــاعـــــــــر دافـــئـــــــة)
من تقديمي اول قصة من كتاباتي
نبدا بالقصة
قصتنا عن ثلاثة صديقات اول بنت اسمها مشاعر طبعا هالبنت حساسة وتكره شي اسمه بنت تحب بنت او اي شي يتعلق بالحب
وهي بنت غير اجتماعية وتحاول انها تصير اجتماعية اكثر والبنت الثانية اسمها ريم وهي صديقة مشاعر ودي البنت اجتماعية
شوي وتحب الاطفال وهي صديقة مشاعر المقربة دائما يسووا كل شي مع بعض ويرتاحوا لبعض يعني اغلب المواصفات بينهم
متشابهة ونفس الشي دي البنت ماتحب شي اسمه حب وزي مايقولوون والبنت الثالثة اسمها اصايل تسعد نفسها باي طريقة ماتعرف
شي اسمه ضيق او هم دائما مبتسمة للدنيا ومفرفشة في عيشتها وماتفكر في الحب او اي شي له علاقة تحب تعيش حياتها وتسوي كل شي بوقته
البداية:مشاعر قامت من النوم غسلت وجهها وبدلت بجامتها وكان عطلة طبعا وعمر مشاعر وريم واصايل بنفس العمر 18 سنة نكمل مشاعر
راحت الصالة وشافت امها وابوها
مشاعر:صباح الخير
امها وابوها:صباح الخيراات تعالي قعدي معانا
راحت مشاعر وقعدت
مشاعر:ابوي امي باروح اليوم بيت صديقتي ريم وابي ردكم
امها وابوها:نفكر باالاول وتالي نعطيش ردنا
مشاعر:يلا عاد كلها جمعة بنات بتونس معاها وبرجع واوعدكم اني ارجع من وقت
امها وابوها:طيب طيب
مشاعر:شنوا يعني وافقتوا
امها وابوها:ايوه ايوه بس احنا وثقنا انش بتوصلين البيت من وقت ونبغاش تلتزمين بوعدش
مشاعر:طيب اوعدكم يا احلى ام ابو
امها وابوها:الحين بس عشان صديقتش ريم ....مصالح
مشاعر لا بس انتون امي وابوي ولازم احبكم
الام :وش تبغوا يكون فطوركم يكون ؟
مشاعر والوالد:اي شي
سوت لهم الاكل بعدين بعد ماكلوا وفطروا
مشاعر والوااالد:تسلم ايدش الاكل طيب
الام:وش اسوي اني من اليي غيركم
بدر:فجاة جه الصالة وقام يقول وانا مو ولدكم بس مدلعين مشاعروا
امها وابوها:والله ماحد قالك اسهر للفجر على الافلام وتالي تعال اعتب علينا
طبعا بدر يصير اخو مشاعر الكبير
مشاعر:ههههههه تبغى فطور ولا شنو؟
بدر:اكيد ابغى كل يوم الصبح اقعد الا انتون تاكلوا ومستانسين ومره ولاكاني اخوش طيب انا يعني انسان مثلكم قعدوني
مشاعر:والله اخوي بدر نسيت كنت افكر في حفلة صديقتي كيف بتكون ...
بدر:اي حفلة بعد اي واللله نسيت ان الحين اجازة بتستلمني الاخت في التوصيلات
مشاعر:والله ماحد قالك صير صبي
بدر:وش رايش يعني تبغيني اصير بنت اصيع يالسخيفة
مشاعر:لاماقصدي كده يالغبي يعني افهمها
بدر:وش افهم وش قصدش ؟
مشاعر:يعني شوف لك وحدة من البنات وتزوجها
بدر:صحيح تفكيرش غبي
مشاعر:ليش غبي مو عيب اذا الوااحد تزوج
بدر:بتعابير حزينة اي بس انا...
مشاعر:انت ايش؟
بدر:انا ماحس بتزوج او مااحس ان في بنات بيفكروا ياخذوني
مشاعر:ليش كل الاكتئاب ده اخوي لاتهم نفسك انت ماتدري وش بيصير
بدر:صدقاني كلهم صار معاهم نفس الشي وللحين ماتزوجوا
مشاعر:ههههههههه وانت تعتمد عليهم ماعليك منهم بعدين علمي فيك انك ماشفت صدقانك من زمان يعني انت ماتدري كيف احوالهم
بدر:اي باكلمهم بعد ماافطر

عائلة ريم
ريم قعدت من النوم غسلت وجهها وسوت اللي عليها ونزلت مالقت الا اخوها محمد نايم بالصالة وجنبه اعوااد دخااان مرميه استغربت من حاله قعدته
ريم:ليش نايم هنا مو نايم بغرفتك ؟
محمد:يتكلم وهو نص صاحي انا امس كنت برى مع صدقاني واستمليت اركب ونمت هنا رجاءا ريم خليني انام مانمت شي
ريم:خلته ورااحت تسوي لها فطور
ام ريم:قعدت من النوم ورااحت الصالة فانتبهت لحاال محمد خافت عليه راحت له قعدته محمد ليش مسوي بروحك كده؟ قوم غرفتك
محمد:طيب طيب
ام ريم:ريم تعالي وصلي اخوش لغرفته صاير مو بوعيه غريبه اول مره اشوفه كده على هالحال
ريم:حتى انا استغربت منه ووصلت اخوها لغرفته
ام ريم:فطرتي ريم
ريم:لا كنت قاعدة افكر وش افطر..
ام ريم:ولا يهمش ريومه الحين انا اسوي لش سفرة وش حلاتها وش عرضها
ريم:ليش ليش..كيف باكله لحالي
ام ريم:لا انا معاش

عائلة اصايل:
اصايل قعدت من النوم وغسلت وجهها وسوت اللي عليها على طول رااحت غرفة اختها بشاير
اصايل:شغلت نور الغرفة وقامت تقعد اختها يلا بيشوو (بشاير)قومي افطري وياي
بشاير:اف اصايلوه خليني انام عاد
اصايل:طيب وانا وش اقعد اسوي لحالي يعني بحزن
بشاير:ابتسمت ل اصايل وقالت اصبري دقايق وباقوم
اصايل :يلا انتظرش تحت لا تتاخري
بشاير:طيب طيب
اصايل بعد ماطلعت من غرفة اختها بشاير رااحت غرفة اخوها زهير
مسكت يدة الباب حاولت تفتحه ولاحظت انه مقفل دقت الباب
زهير:فتح الباب يقول اصايلوه ترى رحت فيها من دق الباب
اصايل:احسن عشان تقوم بلا كسل
زهير:اصبري لما اسويها لش يوم وهو يضحك
اصايل:مابتقدر تسويها اليي يوم لاني اقعد من وقت
زهير:شوي ونازل
اصايل:طيب بس لاتتاخر
زهير:طيب طيب
نزلت بشاير ونزل زهير

بشاير:اف اصايلوه والله ضاربني النعس خليني انام
اصايل:لامافي اني مااحب اكل لحالي احس باكتئاب
زهير:والله واحنا ماننام بسببش
اصايل:وش اسوي بعد تحملوا ههههههه
ام اصايل قعدت وشافتهم مجتمعين
الام:يامحلاة القعدة معاكم ويامحلاة شوفتكم كده
اصايل:شفتوا هذا قصدي

عائلة مشاعر:
بدر:هلا راشد شلونك ؟
راشد:بخير الحمد لله
بدر:وش رايك بعد شوي امر عليك ونتونس مع بعض؟
راشد:والله انك ماتدري بشي
بدر:ليش وش صاير؟
راشد:لامافي شي بس دامك ماتصلت عليي مابتعرف عني شي وعن اخباري
بدر:ليش في شي؟
راشد:يابدر انا من زمان تزوجت
بدر:انت تزوجت طيب ليش ..
راشد:وش فيك انقطع صوتك فجاة؟
بدر:لالا مافي شي انا بس حبيت اتاسف على الازعاج
راشد:بدر!وش فيك متغير كده وفجاة تغير صوتك
بدر:لا انا مافيي شي بس الظاهرلانك من زمان ماسمعت صوتي وصاير متغير عليك
راشد:صحيح انا ماكلمتك من زمان بس بدر انا اعرف صوتك
بدر:يمكن بالتلفون صاير صوتي متغير
راشد:بدر انا اعرفك زين اذا كنت متضايق والحين بتقولي وش فيك
بدر:راشد اكلمك بعدين يلا يلا
وسكر الخط
مشاعر:دخلت فجاة غرفة بدر وشافته متضايق بدر !وش صاير؟
بدر:ليش الكل يسالني نفس السؤال
مشاعر:لانك ماتقدر تخفي ضيقك
بدر:انا مافيي شي
مشاعر:لا انت فيك شي بدر طيب قول اليي
بدر:لا انا مافيي شي بس ابغى اقعد لحالي شوي
مشاعر:بدر لاتظل تعاند وتكلم
بدر:رجاءا مشاعر خليني لحالي
مشاعر:طيب
قبل لاتطلع وتسكر الباب
مشاعر:اذا حبيت تقول لي اللي في قلبك تعال ليي غرفتي
مشاعر راحت غرفتها مسكت جوالها ودقت على رقم ريم
ريم:هلا
مشاعر:اهلينات جهزتي عشان الحفلة
ريم:ايوه سويت كل شي بس ناقص شي وااحد
مشاعر:ليش وش اللي ناقص؟
ريم:هههههههههه صحيح انش هبلة
مشاعر:ريموه وش اللي ناقص
ريم:ناقص الحفلة البنات
مشاعر:ههههههههههه صحيح انش فاضية
ريم:اي فاضية وملانة وانتظر جية البنات
مشاعر:اي صحيح بادق على اصايلوه
ريم:اي دقي عليها
مشاعر:طيب اجل يلا باي
ريم:باي
...
مشاعر بعد ماخلصت وكلمت ريم دقت على اصايل
اصايل:اهلينات
مشاعر:اهلين اصولة
اصايل:كيفش يالدبدوبة
مشاعر:اني ماني دبدوبة
اصايل:طيب
مشاعر:متى تبغيني امر عليش؟
اصايل:تعالي مو اليوم حفلة ريموه
مشاعر:ايوه ليش؟
اصايل:زين اني جهزت
مشاعر :طيب من بيجيبكم؟
اصايل:مادري ؟
مشاعر:طيب اذا مافي احد اني بامر عليش مرة وحدة
اصايل:يلا زين وقت اللي بتطلعي فيه دقي عليي
مشاعر:طيب
سكرت مشاعر الخط من اصايل
مشاعر:اف ياترى وش فيه بدرووا نفسي اعرف اي صحيح هو قال اليوم انه بيكلم صدقانه اف اف شاغل بالي هالموضوع
فجاة سمعت دق الباب فتحته وشافت بوجهها بدر
بدر:يلا ماجهزتي عشان تروحي حفلة صديقتش
مشاعر:لا اني جاهزه
بدر:طيب يلا البسي عباتش انا انتظرش بالسيارة
مشاعر لحظة بتصل على صديقتي والاقيك بعدين
بدر:طيب بس لاتطولي
نزل بدر ومشاعر دقت على اصايل
اصايل:هلا الحين انتين طالعة من البيت
مشاعر:ايوه يلا جهز حالش بامر عليش
اصايل:طيب
نزلت مشاعر وركبت سيارة اخوها
مشاعر:بدر طولت؟
بدر:لالا ماطولتي
ومشوا من عند البيت حتى وصلوا لبيت صديقة مشاعر
مشاعر:وقف هنا بدر لحظة بس وانا راجعة
بدر:طيب
مشاعر دقت جرس بيت صديقتها فتحوا اليهم الباب ودخلت مشاعر وشافت صديقتها قالت لها يلا خلينا نروح
اصايل:طيب طيب
وطلعوا من البيت لين ركبوا للسيارة
لين وصلوا للحفلة اخيرا وشافوا صديقتهم ريم
مشاعرواصايل:هلا ريم
ريم:اهلين بكم اركبوا غرفتي وانا بركب وراكم تعرفوا لازم اقعد اقابل الضيوووف
مشاعر:يلا عاد مايحتاج احنا نركب نساعدش مافيها شي
ريم:لالا قعدوا مكانكم
اصايل:اني مابغى اقعد مكاني لاشغلة ولا عملة لازم باسوي شي اكيد
قعدوووا يطلعوا في ريم ووجوههم تبتسم
ريم:ياربي وش اسوي عشان ارضيكم صحيح اني ماقدر عليكم
مشاعر:هههههههه
اصايل:يلا تحملي وش نسوي لش بعد؟ههههههههه
وساعدوها في كل شي حتى انتهت الحفلة
مشاعر:او صحيح لازم ادق على اخويي بدروووا
اصايل:اصايل تطلع ساعتها وشيييييييي!الحين الساعة ..لازم ماتاخر لايسووو البيت اليي سالفة
ريم:بوجهه حزين طيب
مشاعر:لاتتتضايقي ريم يلا مرة ثانية
اصايل:ايوه تتعوض بمرة ثانية
مشاعر:طيب الحين خليني ادق على بدر
دقت على بدر
بدر:هلا
مشاعر:بدر يلا تعال
بدر:طيب في مشكلة لو تاخرت شوي
مشاعر:لا مافيها شي
سكرت الخط من عند بدر وهي شاقة الابتسامة
اصايل:الحين جايي؟
مشاعر:لابيتاخر شوي
ريم:زين اجل خلينا نسوي شي عن الملل
اصايل:هي انتون اني ماقدر اتاخر اكثر من كده
مشاعر:عادي مافيها مشكلة الحين تتدقي على بيتكم وتقولي بتاخر شوي لان اخو صديقتي بيتاخر
ريم:اي عادي
اصايل:طيب بادق على البيت
اصايل دقت على رقم اختها بشاير
بشاير:اهلين اصولة
اصايل:بيشوو يمكن اتاخر شوي تقدري تقولي و تعطي لامي خبر
بشاير:عادي وش فيش خايفه لهدرجة
اصايل:خايفه امي ماتواافق
بشاير:ليش وش صاير؟
اصايل:لامو صاير شي بس اخو صديقتي قال انه بيتاخر شوي عشان كده مابقدر اجي الحين
بشاير:اهااا عادي ولا يهمش دقايق واعطيها خبر
اصايل:شكرا
بشاير:عفوا
اصايل:يلا باي
بشاير:باياات استانسي مع صديقاتش هههههه
اصايل :هههههه
وسكرت الخط
ريم:وش قالت اختش؟
اصايل:ماقالت شي
ريم:يعني بنقعد مع بعض
اصايل:اايوه
مشاعر:طيب بس وش نسوي؟
اصايل:اناعندي فكرة ان كل وااحد يقول موقف صار معاه اليوم
مشاعر:اممممم انا من ناحيتي موافقة
ريم:وانا بعد
اصايل:طيب اول شي انتون
ريم:طيب انا اليوم اول ماصحيت من النوم لقيت اخويي محمد نايم بالصالة وجنبه اعواااد دخان مرميه وانا شاغلني الموضوع
مشاعر استغربت
ريم:وش فيش مشاعر؟
مشاعر:لامافيي شي بس موقفي يشبه موقفش
ريم:صحيح يلا قولي
مشاعر:طيب انا اليوم كنت مستملة وقعدت اتجول بالبيت ومريت عند غرفةاخويي لقيته توه مسكر من عند صديقه ومتضايق وحاولت اعرف
بس مااستفدت شي ماقدرت اخليه يقول شي وده الموضوع شاغل بالي
اصايل:يلا دوري الحين ههههههههههههه
ريم:وشي ده موقفش
اصايل:لا بس تبين انه ماصاار اليوم معاي موقف
مشاعر:ههههههههه
ريم:الحين احنا نقولش مواقفنا وتالي ماعندش شي هههههه
اصايل:تدروا صاير نفسي ارووح حفلة عرس
مشاعر:الحين انتين ماكفتش دي الحفلة كلها
ريم :يعني حفلتي ماعجبتكم بحزن
اصايل:لاعجبتنا اكيد واحلى شي فيها انتين بس اني صاير جو بيتنا ممل هالايام تعرفوا الحين اجازة الكل ماخذ راحته ينام يقعد
مشاعر:فاهمه قصدش انتين تحسي انه مافي احد يشجعش على انش تستانسي
اصايل:ايوه انتين فهمتي قصدي
ريم:طيب انتين حاولي انش تخلي بيتكم يفرفش لاتفكري في ده الشي
ماسمعوا الا الباب يدق فجاة فتحت ريم باب غرفتها شافت محمد واقف قدامها
ريم:محمد ماشفتك اليوم وااجد وين كنت؟
محمد:وين رحت انا ماكنت بمكان كنت بغرفتي
ريم:معقولة طول وقت الحفلة كنت لحالك بالغرفة طيب ماستمليت
محمد:لاكنت نايم
ريم:نايم طول الوقت!محمد صديقاتي معايي
محمد:طيب اسف على الازعاج
ريم:وش فيك انت صاير غريب اني لازم افتح معاك حواار محمد انت مو على طبيعتك ولاتفكرني ماهتميت لما شفت انك نايم في الصالة
او موضوع علب الدخان واعواد الدخان المرمية جنبك اليوم الصبح
محمد:ريم لاتفتحي الف موضوع كنت بس ابغى اسال وين امي واذا على صديقاتش انا ماكنت ادري ان هم معاش
ريم:امي طلعت مع ابوي
محمد:طيب خلاص
ريم:محمد بتروح مكان
محمد:لا باكون بغرفتي
ريم:خلاص اجل بعد ما اكون فاضية بفتح معاك الموضوع
محمد:طيب طيب
وراح محمد وسكرت الباب
مشاعر:وش صاير ريم؟
ريم:لا مو صاير شي هذا كان اخويي محمد

بالمناسبة انا عضوة جديدة بمنتداكم واعتبروا هذي اول هدية منيي واتمنى تعجبكم الرواية
واذا فيها عيوب اعذروني لانها اول قصصي

بنات هذا المقطع الاول يعني في (بارت2)
توقعاتكم بنات

بعد ماخلصوا مشاعر وبدر العشا وامهم نامت قرروا يشاهدوا اليهم فيلم
فجاة طلع يوسف اليهم
يوسف:هي هي انتين وش تسوي هنيي يلا على غرفتش روحي نامي ماابغى اشوف وجهش
بدر:هي هي يوسف مشاعر بتشاهد ويايي فيلم وبتنام مافيها شي وبعدين هي مو صغيرة عشان تتحكم فيها متى تنام متى تقعد واذا انت مو عاجبك
الوضع خلاص شوف يوسف تبغى تشاهد حياك ماتبغى خلاص احسن من انك تسوي هالحركات الطفولية
مشاعر:بدر خلاص انا باروح غرفتي بانام انت ويوسف شاهدوا الفيلم
بدر:لامشاعر انتين بتشاهدين الفيلم معايي
مشاعر:الله يخليك بدر لاتكبر المشكلة اكثر مما هي
يوسف:والله انش سخيفة وباصيح على هالدووور مسوين لي فيلم هندي
بدر:شوف بدر انا مااسمح لك تتكلم اكثر من كده
مشاعر:بدر خلاص عشاني وقفوا هواااش
بدر:طيب انا ماابغى اشاهد فيلم
مشاعر وقفت مكانها مستغربة من ردة فعل بدر كيف كانت اتجاه يوسف
يوسف:وش فيش وااقفة كده يلا روحي من قدامي توه بيعطيها كف مد ايده
بدر فجاة:وووووووووووقف!
بدر:صحيح انك غريب هذه اختك وتبي مد ايدك عليها صحيح تفكيرك تفكير جهال مايصير تعامل اختك كده يوسف انا مااسمح لك دامها اختي
الصغيرة ودامها اختك الصغيرة اكثر منيي كنت تبي الموضوع يصير بيني وبينك ليش تدخل اختك بالموضوع انت المفروض تفتخر باختك
وتعاملها زين
يوسف:ترى هالمرة عصبت بجد واذا ضيقتني بكلمة ثانية هذه اللي تشوفها قدامك مابتشوفها ابد تشوفها مدفونة تحت الترااب
بدر:تدري اني غلطان علقت بالي عليك بس تدري ان اختك اللي مو عاجبتنك هاذي احسن منك بس تدري متى تعود لوضعك وتشيل هالتفكير من راسك
بالنسبة اليي انا اعتبرك انسان معقد تفهم شنو يعني معقد
يوسف:شوف ترى بديت تعصبني كل يوم تضايقني واسكت
بدر:تدري وانا بعد عصبت من وااااااااحد مثلك
يوسف عصب مسك كلر قميص بدر وقام يضربه بالطوف حاولت مشاعر تباعد يوسف عن بدر حتى ان قام يوسف يخنق بدر لين صار
مو قادر يتنفس خافت مشاعر على بدر اكثر بس هذا مامنعها انها ماتدافع عن بدر مسكت يوسف بكل قوتها ورمته عى الارض وبعدها
طاح بدر على الدرج مشاعر ظلت واقفة خايفة من اللي قاعد يصير مو عارفه تتصرف راحت جنب بدر عشان تطمن عليه كانت تحاول
توعيه بس ماوتعى لها بعدها مالاحظت ان اخوها يوسف قام من مكانه يوسف قام من مكانه وضربها على وجهها على طول
بعدها مسك اياديها بقوة وضربها ورماها على الارض بعدها طلع من البيت
بدر قعد مو قادر يستوعب الي يصير شاف اخته مرميه بالارض والجروح على وجهها بالاول ماعرف يتصرف بعدين حملها ووداها
لغرفتها وجاب صحن وفوطه نظيفة وسهر عشانها قام يحاول يخفف جروحها لين نام
قعدت مشاعر الصبح مستغربة لانها شافت الاغراض اللي عالج جروحها بها وحاولت تقوم من سريرها بهدوء لان كان بدر
نايم على الكنبة اللي بغرفتها طلعت بهدوء من الغرفة ماشافت احد قاعد وقعدت تفكر كيف جت الغرفة حتى جه اخوها بدر
وهو نازل من الدرج ومو على توازنه على طول مشاعر راحت له مسكته عشان لايطيح
مشاعر:انتبه
بدر:مسك وجهها وابتمس انتين زينة
مشاعر:مسكته وعرفت انه مانام من امس ووصلته غرفته وسكرت الباب
نزلت سمعت صوت الباب فتحته شافت اخوها يوسف بوجهها
يوسف:من بالبيت؟
مشاعر:بدر نايم وامي مو هنا وانا هنا لوحدي
يوسف:مسكها من حلقها وقال اليها شوفي انا اقدر اسويي اي شي ابيه ودام اخوش الملاك نايم اقدر اخليش تسوي اي شي
مشاعر تحاول تشيل ايده من حلقها تركها وقال اليها شوفي الحين بتسويين اللي اقولش عليه واذا حصل اي غلط منش اعتبري نفسش ميته
مشاعر:دموعها تطيح على خدها
يوسف:لالا هاذي الدموع مو عليي انا فاهمه عندش اخوش نزلي دموعش قدامه في اي وقت بس انا عندي هالدموع مصدر ازعاج
والحين اسمعيني زين ابيش تفكينا من شي اسمه بدر زين شيليه من راسش نهائيا والحين روحي غرفتش فكينا من وجهش
مشاعر راحت غرفتها وسكرت الباب فجاة سمعت دق الباب فتحته كان بدر
بدر:مشاعر تعالي قعدي معاي تحت
مشاعر:طيب
نزلوا وقعدوا بالصالة يسولفوا وماكان يوسف موجود
بدر كاان بيقوم بس حس بدوره في راسه فجاة وطاح على الارض اخته خافت مرة وعلى طول دقت باب غرفة يوسف
يوسف:وش تبغي ؟
مشاعر:يوسف الحقني بدر طاااح عليي فجاة ودموعها بين جفونها
يوسف نقل بدر للمستشفى وكلموا الدكتور
الدكتور:المريض تعرض لضربة في راسه ؟
يوسف:لالا ماتعرض لاي ضربة
الدكتور:طيب مرت عليه دي الحالة ؟
مشاعر:لا دي اول مرة
الدكتور:غريبة يكون ماتعرض لضربة بنضطر نسوي له عملية بكرة واذا مانجحت ممكن اننا نخسر المريض
يوسف اتصل بامه وقال لها ان بدر مريض
مشاعر تكلمت مع يوسف
مشاعر:كيف قلت للدكتور انه ماتعرض لاي ضربة من قبل
يوسف:لو سمحتي روحي عن وجههي
مشاعر:اني اقدر اقول انك رميت بدر على الدرج
يوسف:صحيح انش بدون بدر ماتسوي ولا تفهمي شي ومن بيصدقش
مشاعر:ليش مايصدقوني
يوسف:واذا قلت لهم ان من رماه على الدرج هو انتين
مشاعر:وشووو؟
يوسف:عادي حبيبتي نغير الموقف شرايش؟
مشاعر:صحيح انك عديم احساس في روح انسان بين الحياة والموت
يوسف عطاها كف وقام يقول لها(اقولش شي انتين بدوونه ماتسويين شي)
مشاعر:يوسف وش تقصد؟
يوسف:والله افهميها ممكن تكون دي اخر مرة تشوفه عيونش فيها
مشاعر:ماقدرت تتحمل رفعت صوتها وهي تقول بدموعها وصوتها المتغير وهي تضربه(انت عديم احساس ماعندك رحمة والله بتندم)
يوسف:حركات جهاااال
مشى يوسف عنها وطلع من الغرفة بينما كانت مشاعر تكلم يوسف كان دكتور بدر توه بيدخل الغرفة وسمع كلامهم وطبعا فهم كل شي
مشاعر طلعت بعد يوسف بشوي وشافها الدكتور
الدكتور:لو سمحتي ممكن اكلمش شوي؟
مشاعر:ليش بدر صاير له شي؟
الدكتور:لامافيه شي بس بغيتش بموضوع ثاني
مشاعر:طيب
الدكتور اخذ مشاعر وكلمها
مشاعر:يلا تكلم
الدكتور:طيب انا قبل شوي سمعت الكلام اللي داار بينش وبين اخوش انا صحيح المفروض ماتدخل بمواضيعكم الشخصية بس مايصير
ارااقب من بعيد لاني مو مطمن من اخوش اللي اسمه يوسف
مشاعر:دكتور رجاءا لاتفتح الموضوع ده وياي لان اني ماقدر اسوي شي
الدكتور:طيب انا فاهم وضعش بس انا اقدر اسوي شي
مشاعر:زي ايش؟
الدكتور:مثلا امنع الزيارات او اسوي العملية الحين
مشاعر:طيب واذا تعرض لك اخويي يوسف
الدكتور:اخوش مايقدر يسويي شي لاتفهميني غلط بس انا قلت لش ماقدر ارااقب الوضع من بعيد بدون مااتصرف
مشاعر:شكرا
قامت مشاعر وطلعت من الغرفة اللي كانوا فيها وراحت قعدت في مكان عام وقامت تتخيل حياتها بدون بدر فجاة شافت امها قدامها
الام:مشاعر يوسف مافهمني وش صار ببدر
مشاعر:بدر لا مافيه شي بس الظاهر ان هذه اول مرة يتعرض ل ده الشي بس مو عارفين السبب
الام:طيب مشاعر خلينا نرجع البيت مافي فايدة من قعدتش هنا
مشاعر:طيب
رااحت مشاعر مع امها وفي الليل ماكان يوسف موجود الام كانت مسوية العشا
الام:مشاعر قعدي تعشي؟
مشاعر قعدت على الطاولة ساكتة وماليها خلق تاكل خلصت عشاها وقامت غرفتها قعدت على سريرها بضيق بعدها بشوي
شافت صديقاتها سوووها اليها مفاجاة
ريم واصايل:اهلين مشاعر وحشتينا
مشاعر:اهلين انتون رجعتوا؟
ريم :اي اجل وش تشوفي قدامش وحضنوها
مشاعر:وريم حاضنتنها تطيح الدمعة من عينها
اصايل:مشاعر وش فيش؟
ريم:صحيح ليش صاير وجهش كده مشاعر في شي؟
مشاعر:ماعرفت وش ترد وقامت تصيح
حضنوها ريم واصايل مشاعر وش فيش تصيحي علمينا ؟لاتصيحي بدون فايدة دخلوا غرفتها وقعدوا على سريرها وياها وهم يحاولوا يهدوها
ويبغوها تفهمهم وش اللي يصير
اصايل:تكلمي قولي وش صاير؟
ريم مسكت ايد مشاعر
ريم:مشاعر لاتنكري وتقولي مافيش شي احنا صديقاتش لازم تتكلمي وتقولي الينا وش السالفة؟
مشاعر:ريم اني مو مرتاحة اخويي بدر في المستشفى
ريم:اخوش بدر ليش خير وش فيه؟
مشاعر:اخويي مريض تعرض لضربة في راااسه
ريم واصايل ظهرت على وجههم تعابير حزينة
مشاعر:اوعدوني تبقوا منيي قريبين
ريم واصايل:ماقدروا يتحملوا الموقف وتقطعت قلوبهم
ريم:احنا بنبقى منش قريبين احنا صديقاتش
مشاعر:ماابي احد غيركم من الدنيا انتوا وبدر واذا الدنيا بتاخذ بدر ماابي اعيش بهاالدنيا حياتي من دونه ماتسوى
اصايل:اهدي مشاعر مايصير تسوي بنفسش كده
ريم:كلام اصايل عدل لاتسوي بنفسش كده
مشاعر:بدر وعدني يوقف معايي بكل شي والحين يصير به كده لا مابيه يكون تحت الترااب
ريم:لاتقولي كده انشاء الله اخوش بيتعافى وبيصير زين
اصايل:اخوش دامه وعدش يوقف معاش بكل شي تاكدي انه بيوفي بوعده
ظلت مشاعر ساكته وصديقاتها بعد لين نامت مشاعر وريم واصايل طلعوا من الغرفة وسكروا الباب
اصايل:حرااام اللي يصير معاها والله ماتستاهل
ريم:اي والله ماتستاهل اني بس شي واحد شاغل بالي
اصايل:وشو ؟
ريم:ها لالا مو شي
اصايل:لكن توش تقولي قبل شوي ان شي واحد شاغل بالش
ريم:اني هاذا انتين يتهيىء لش لاني ماقلت شي يلا امشي ننزل
ونزلوا ريم وصلت اصايل بيتها وبعدها رجعت بيتهم وتوجهت للغرفة وقعدت على سريرها
ريم:اف نفسي اعرف وش صار ببدر وكيف طاح على الدرج تكلم روحها وش فيش ريم؟ فجاة صرتي تفكريي فيه شيليه من راسش قطع افكارها صوت الباب
سمعت دق الباب وفتحته شافت اخوها محمد
محمد:وش تسوي؟
ريم:مااسوي شي تعال اقعد
قعد معاها عى السرير
محمد:اي كيف بدر؟
ريم:اي بدر؟
محمد:بدر اخو صديقتش
ريم:ها وانت وش عرفك به؟
محمد:انا شفته من كم يوم وتكلمت معاه وارتحت له وصرت متعود عليه
ريم:متعود عليه!
محمد:ايوه ليش؟
ريم:صحيح انك ماتدري وين الله حاطنك
محمد:ليش؟
ريم:محمد انا ماودي اتكلم
محمد:طيب ليش بدر الحين صديقي
ريم:طيب لكن مرة ثانية لازم قبل لاتقول صديقي على الاقل تتصل تطمن
محمد:ولا يهمش الحين اتصل اتطمن (مسك جواله يبغى يتصل)
ريممسكت جوال محمد قبل لايتصل)
محمد:اتركي الجوال توش تقولي اليي اتصل اتطمن
ريم:اي بس مو في هذا الوضع
محمد:ليش ريموه ترى خوفتيني بدر فيه شي؟
ريم:ايوه للاسف
محمد:ريموه انتين تمزحي اكيد هاذي وحدة من مزحاتش
ريم:محمد بلا غباء وليش امزح في امور كده
محمد:وشوووو؟ يعني بدر فيه شي يلا تكلمي بسرعة وقولي اليي وش صار اليوم ببيت صديقتش
ريم:وانت وش دراك ان اليوم صار شي في بيت صديقتي ؟
محمد:بلا خبالة دام بدر يصير اخو صديقتش وفيه شي اكيد مابتكون صديقتش فرحانة
ريم:والله زين فيك ذكاء شوي
محمد:ماني فاضي لظارافتش ريم تكلمي
ريم:طيب اليوم انا لما رحت بيت صديقي لقيتها متضايقة مرة عشان اخوها زيي ماتقول وكانت في حالة غريبة تتكلم عن اخوها
محمد:زيي وشو؟
ريم:صديقتي قامت تصيح وتقول كلام يقطع القلب وسالناها طيب انتي ليش متضايقة قالت ان اخوها بدر بالمستشفى ومريض
لان طاح على الدرج وراسه تاثر بس مادري هو كيف طاح ولاشي
محمد:كل ده صار وانا ماادري بشي والله مايستاهل اللي يصير معاه هاذي اخته وتقول كذا لانها تحبه كيف انا وهو صديقي
ريم:انت وش دخلك؟
محمد:لا بس تعرفي هو صديقي وتدريي اني اول مره اشوف انسان قلبه ابيض كده انا ارتاح له اكثر من اي انسان ثاني
ريم:اللي اعرفه ان صديقتي تحب اخوها مووت لان قلبه ابيض وطيووب ومايقدر يشوفها زعلانة مايخليها تبتسم يعني هو اول
واحد تشوفه جنبها لما تزعل وسكتت
محمد:ليش سكتي كملي قولي اليي وش اللي تعرفيه
ريم:طيب باقولك شي بتستغرب تدري ان صديقتي عندها اخو ثاني عكس بدر بالظبط
محمد:صحيح!
ريم:ايوه حتى انه يصير مادري كيف اذا شاف صديقتي يصير يبغى يذبحها اخوها يكرهها كره دائما صديقتي تتكلم اليي عنه
كم مرة صديقتي تجي وهي متضايقة او فيها كدمة خلاص صرت اعرف انها اذا جت كده ان اخوها هو اللي مسوي بها كده
بس تخيل!ان امها ولا مرة شافت ولدها يضرب صديقتي
محمد:ليش كده معقولة صديقتش بتقدر تتحمل ؟!
ريم:تدري ان صديقتي ساعات تزهق من اللي يسوي لها والمشكلة انه يضربها على اتفهه الاسباب يدور سالفة بس
محمد:طيب وش يكون وجههة نظر اخوها بدر؟
ريم:مرة قالت اليي ان بدر مايقدر يتحمل ويشوف اخوه الكبير وهو يضربها ساعات يوقف بوجهه
محمد:الله يساعدهم على كده مصايب معقولة ولا مرة امها شافت ولدها يضرب اخته
ريم:لاولامرة لانه يتعمد يضربها بالليل
محمد:ريموه بلا مسخرة وش يسوي لاخته المعقد فيلم رعب؟
ريم:والله انا باالبداية ماصدقت بس بعدين تعودت
محمد:طيب يلا انا باروح انام
راح محمد غرفته وقعد على سريره
محمد:اف وش هالوضع والله نفسي اشوف هالحقير اخوها اللي يسوي بها كده خلاص ماني قادر اتحمل في اخو يسوي باخته كده
صحيح انه مجنون لا انا لازم بكرة ارووح ازور اخوها بالمستشفى .ماحس بعيونه لين غفت
قعد محمد الصبح لبس وتكشخ وتعطر ونزل بعدها وشاف اخته ريم تفطر
ريم:محمد وين طالع بكل هالرزه؟
محمد:والله مو عيب اذا الوااحد لبس وتكشخ
ريم:اي بس انت مو عوايدك انك تتكشخ كده
محمد:بلا هدره انا راايح لصديقي وش تبغيني البس البس بيجامه نوم
ريم:لا بس ماكنت ادري انك بترووح المستشفى اي صحيح خذني ويااك بتصل على صديقتي عشان مرة وحدة اشوفها هناك
محمد:رييموه ماحب هالحركة جاية الحين تقولي اليي استناش انا بطلع لاني بتاخر
ريم:محمدوه يلا عاد يعني تبغى صديقتي تقعد وتشوف اخوها في دي الحالة وانا ماقعد جنبها
محمد:طيب طيب بس توعديني انش تلبسي بسرعة عشان لا اتاخر واذا تاخرتي بمشي عنش
ريم:طيب اوعدك البس بسرعة
لبست ريم ودقت على صديقتها مشاعر واتفقت معاها انها بتشوفها في المستشفى لما وصلت ريم واخوها
محمد:يلا خلينا نروح الغرفة
ريم:محمد انا مااعرف رقم الغرفة وبعدين انا اول مرة اجي هنا
محمد:طيب الحين نسال الموظفة وبعدين انتي بتمشي معايي غصب وش تقعدي تسوي هنا؟
ريم:لا عادي اقعد استنى صديقتي هنا تحت وانت رووح شوف صديقك وتحمد له بالسلامة
محمد:لا انتي بتمشي وياي وبعدين مافيها شي تقعدي معايي وبعدين تتصلي فيها وتعطيها خبر انش معايي بالغرفة
ريم:طيب (مسكت جوالها ودقت على صديقتها مشاعر وعطتها خبر)
محمد:لو سمحتي في واحد من كم يوم وصل للمستشفى اسمه بدر؟
الموظفة:لحظة خلينا اشوف ايوه في وهو موجود في الغرفة 22
محمد:شكرا (راح محمد مع اخته للغرفة)بينما بدر قاعد سمع صوت الباب
بدر:تفضل
محمد:دخل وقعد جنب بدر الحمد لله على السلامة
ريمدخلت وحطت الوروود على الطاولة وبعدها قعدت بعيدة شوي عن اخوها محمد)
بدر:حياك وينك ياابو الشباب ؟
محمد:لحظة قبل كل شي كيف انت تمرض وماتعطيني خبر المفرووض انا اول واحد تقوليي
بدر:والله ماطرى على بالي وبعدين لاتفكرني مرتاح بقعدتي هنا
محمد:ليش؟
بدر:لا بس لو تشووف اختي كيف ويا امي اذا جوووا يزوروني يسوني جاهل
محمد:هههههههههه وش يسووا بعد ماليهم غيرك بالدنيا
(فجاة صوت الباب)
محمد:خليني افتح
ريم:لا خليك هاذي اكيد صديقتي مشاعر (فتحت الباب وقعدت مشاعر جنب صديقتها ريم)
مشاعر:ريم من هذا؟
ريم:ليش مستغربة ده اخويي
مشاعر:ها لا ماني مستغربة بس لان اول مرة اشوفه
ريم:عادي تدري اني مستغربه اكثر منش لان محمد هاالكم يوم كل مع اخوش بدر
مشاعر:هههههه
محمد:يلا انا اخليكم
ريم:طيب بس وين بترووح ؟
محمد:انا مابارووح مكان بقعد بالكافتيريا اللي تحت واذا خلصتي وبغيتي تروحي اتصلي عليي
ريم:طيب (بعدها بشوي سمعوا صوت الباب فتحت مشاعر الباب لقت الدكتور قدامها)
الدكتور:بناخذ المريض على غرفة العمليات
مشاعر:طيب مايصير يقعد معانا شوي؟
الدكتور:لا لان الحين وقت العملية
مشاعر:طيب (طلعت هي وصديقتها ريم برى وقعدوا على وحدة من الطاولات الموجودة هناك)
مشاعر ظهرت على وجهها تعابير الندم
ريم:مشاعر وش فيش؟
مشاعر:لا مافيي شي
ريم:مشاعر تكلمي !
مشاعر:لا ريم لاتجبريني اتكلم اني احس انش تزهقي لما تسمعي ظروفي
ريم:اني ازهق مشاعر انتين تدريي ان احنا كل شي نقوله لبعض شفتيني مرة تكلمت وشكيت وقلت لش زهقت بالعكس انتين صديقتي ولازم تفضفضي اللي بقلبش
وانا ارتاح اذا جيتي تتكلمي كلنا عندنا ظرووف عائلية انتي مو اول وحدة
مشاعر:ريم انا متضايقة على اخويي بدر خايفه عليه
ريم:طيب شي طبيعي بتخافي عليه انتين ماعليش صلي على النبي وادعي ربش يقوم بالسلامة وانشاء الله بتشوفيه واقف جنبش
مشاعر:لا انا متضايقة عشان شي ثاني
ريم:شوفي مشاعر لاتفكريني مااهتميت لدااك اليوم اللي كنتي فيه تصيحي انا ابغى اعرف السبب الحقيقي ابغى اعرف اخوش كيف طاح وابغى اعرف من سوى فيه كده
مشاعر:طيب (وقالت اليها كل اللي صار بغيابهم)
ريم:شوفي مشاعر باقولش شي ماتزعلي اخوش يوسف يقهر بعد كل اللي يسويه فيش والحين يهددش كل ده ومو مكفيه خلاص ل متى بيرجع لوعيه
مشاعر:ريم انااخاف بدر مايطلع من العملية
ريم:ليش كله مكتئبة مشاعر (تفاؤلوا بالخير تجدوه) وماعليش من كلام اخوش يوسف اللي مصدق حاله
مشاعر:طيب (بعدها قعدوا وانتظروا لين طلع الدكتور من غرفة العمليات)
مشاعر:ها وش صار دكتور؟
الدكتور:ساكت بالاول وبعدها ابتسم لها وبشرها(نجحت العملية)بس بنخليه عندنا اسبوع لين نشووف وضعه
مشاعر وريم حضنوا بعض ودموع الفرح بعيونهم (كان محمد راااكب الدرجة وشافهم)
محمد:ها طمنوني وش صاير؟
ريم:نجحت العملية الحمد لله
محمد:والحين انتي روحي مع صديقتش عشان ترتاحوا وانا بقعد معاه
ريم:طيب (ريم اخذت صديقتها وراحوا بيت ام بدر)
مشاعر:ريموه اني مااعرف وش اقول لش
ريم:ليش على شنو؟
مشاعر:على وقفتش معايي و..(ماكملت كلامها قاطعتها ريم)
ريم:اص ماابي اسمع ولا كلمة وش هاالكلام ماابي اسمعه مرة ثانية منش اني صديقتش والصديق وقت الضيق وتسوي روحش عدل وتقولي اليي مااعرف وش اقول وهالخراابيط خليها عنش
مشاعر:سبالة انتين ريموه لاتتمسخري اني اتكلم بجد
(وراااحوا البيت)
ريم:لما وصلوا البيت ركبت مشاعر غرفتها مع صديقتها ريم وبعدها ضاعت ريم بعالم السهو
مشاعر:هي انتين وينش من اللي ماخذ عقلش؟
ريم:ها انا ماسهيت ماافكر في شي يعني بشنو بافكر
مشاعر:علينا تكلمي ولا تسوي هالحركات
ريم:اف مشاعروا لاتزهقيني يعني مو اذا في احد باقولش
مشاعر:يمكن ماتبغي تقولي
ريم:لا اوعدش انتين اول وحدة باقولش
مشاعر:اف ريموه بلا هالحركات لاتزهقيني وقولي من اللي تفكري فيه يبين من عيونش يوم سالتش
ريم:ها وش فيهم عوايني؟
مشاعر:الله اعلم كيف صارووا يلمعوا
ريم:اف والله زهقت من هالتفاهات باروح البيت
مشاعر:وبتخليني هنا لوحدي
ريم:فجاة عصبت ومسكت جوالها بتدق على اخوها محمد
مشاعر:مسكت جوال ريم
ريم:اتركي الجوااال
مشاعر:ريم وش فيش كنت امزح معاش وش فيش مره وحدة صرتي كده
ريم:مزحش سخيف والحين اتركي جوالي
مشاعر:تركت جوال صديقتها ريم
ريم:دقت على محمد
محمد:هلا
ريم:اهلين محمد تعال خذني
محمد:وش فيش اول مرة اشوفش تتكلمي بهاالطريقة؟
ريم:محمد رجاءا تعال خذني
محمد:طيب طيب مسافة الطريق وتشوفيني(محمد وصل لعند بيت ام بدر طلعت ريم وركبت السيارة)
ريم:محمد ممكن تسرع شوي؟
محمد:هي ريموه وش فيش صاير شي بينش وبين صديقتش؟
ريم:بصوت عالي محمد لاتتناقش معايي بالموضوع الحين
محمد:طيب طيب وسكت
(وصلوا البيت)
ريم:فتحت باب السيارة بانفعال وسكرته بقوة ووسبقت محمد ودخلت بيتها
محمد:لحقها لداااخل
ريم:محمد ليش انت ورايي؟
محمد:ممكن نتناقش بهدوووء وتفهميني وش اللي صار؟
ريم:لا لاني ماني فاضية
محمد مسكها وداره قدام وجهه
ريم:اتركني وهي تحاول تشيل ايده من على اكتافها
محمد:انا مابتركش الا بعد ماتعلميني السالفة بصوت عالي ظلت ريم ساكتة
يلا خلينا نقعد ونتناقش بهدوء احسن من اللي تسويه بدون فايدة
ريم:فجاة نزلت الدموع من عينها
محمد:شكله الموضوع كبير مسكها وخلاها على الكرسي وقعد جنبها
ريم:قالت له كل شي
محمد:ليش مكبرة الموضوع لهدرجة
ريم:محمد اني حاسه بالذنب على اللي سويته بصديقتي مشاعر
محمد:والله حتى انا كاسره بخاطري هالبنت بصوت خفيف
ريم:وش تقوول؟
محمد:ها لالا مو شي طيب باقولش وش راايش تشوفي لش يوم وتفاجئيها بالمستشفى
ريم:والله فكرة من وين لك كل هالافكااار الا صحيح الدكتور قال انهم بيخرجوااخوها بدر بعد كم يوم
محمد:ايوه شوفي لش يوم
ريم:طيب اليوم وشي؟
محمد:اليوم الخميس
ريم:خلاص وش رايك اسويها لها يوم الاثنين لان احسه وقت مناسب خصوصا انه وقت زياراتها لاخواها بالمستشفى
محمد:خلاص اجل فاجئيها وروحي تسامحي منها

من جهة ثانية مشاعر قاعدة على سريرها تفكر:
اف اني ضايقت صديقتي بهاالكلام بس اللي ابي اعرفه انها ليش تضايقت منيي مااحس ان الشي يزعل اف طيب يمكن ريم كانت متضايقة من شي من قبل ولين ماحست بعيونها لين غفت
صباح اليوم الثاني قعدت ميشووو وسوت اللي تسويه كل يوم ونزلت تحت لقت امها تفطر بالصالة
مشاعر:صباح الخير
الام:صباح الخير
مشاعر:بسالش الا متى بيرجع ابويي من سفرة عمله
الام:قال ليي انه ماعنده وقت محدد
مشاعر:اهاا
الام:انا بطلع مع خالتش السووق تجي معانا؟
مشاعر:لا حاسه نفسي ماليي خلق للسوق
الام:طيب (بعدها بشوي طلعت الام وقعدت مشاعر لحالها)
مشاعر رسلت رسالة اعتذار لريم
مشاعرريم يااغلى ريوم باالدنيا انا اسفة على اللي صار بالامس ماكنت اقصد ازعجش انا بس حبيت امزح وياش انتي صديقتي اللي وقفت معايي بكل ظروفي
ربي يخليش لي )

من جهة ثانية كانت ريم نايمة ووصلت رسالة مشاعر لجوالها ومحمد كان يمشي عند غرفة ريم دخل الغرفة وانتبه للرسالة اللي وصلت من عند(اعز meshoo)
وعرف انها هيي وبالخفة اخذ جوال ريم اخته على غرفته وسكر الباب رسل رسالة قبول اعتذاار (سامحتش ياعز اللي بدنيتي حياتي ماتسوى شي بدونش يا اعزmeshoo)
ورسل الرسالة وبعد شوي انسجموا لبعض بس تالي قرر محمد يقول اليها ان هو اللي تستلم منه الرسايل وبعدها بشوي قا لها
محمد:اقولش شي انا محمد وريم نايمه بغرفتها
مشاعر:خافت بالبداية من ده الشي بس بعدها بشوي استلمت رسالة منه تقول(احبك والله احبك انا حاس بالم بقلبي طول الوقت للي كنت اخبي فيه في نفسي اني احبك ياعز احبابي)
مشاعر:لما شافت الرسالة ماعرفت تتصرف ورمت جوالها عى سريرها وهي تقول(هذا وش قاعد يقووول)
ومرت الايام وبعدها ب ثلاثة ايام جه الوقت اللي تفاجىء فيه ريم صديقتها مشاعر كانت مشاعر بغرفة الدكتور لان قال لها يبي يتكلم معاها بخصوص خرووج اخوها بدر
وهي طالعة من الغرفة شافت ريم صديقتها ومعها اخوها محمد والدكتور طلع معاها
الدكتور:اول ماشاف محمد على طول مسك ايد مشاعر
ريم ومحمد قعدوا فترة واقفين مومستوعبين وشو اللي صاير
محمد:تباعد عنها بعصبية
الدكتور:ليش من هو انت ؟
محمد:شيل ايدك منها ظل الدكتور يعاند ويضغط على ايد مشاعر
محمد:ومن هوانت عشان تمسك ايدها بصوت عالي
الدكتور:انا خطيبها

الاسئلة اتمنى تجاوبوا عليها واتمنى يكون عجبكم الجزء:
1 وش كان يقصد يوسف بقوله(ممكن تكون دي اخر ممرة تشوفه عيونش فيها)؟
2 وش راح يصير بين مشاعر ويوسف؟
3 ليش محمد ظل يفكر بموضوع مشاعر؟
4 ليش محمد عارض باالاول ان اخته تروح معاه المستشفى؟
5 ليش ريم عصبت من مشاعر؟
6 ليش الدكتور مسك ايد مشاعر؟
7 وش راح يصير بين مشاعر ومحمد؟

(مشاعر لما ركبت السيارة)
بدر:تكلمتي معاها؟
مشاعر:اي وليش تسال؟
بدر:لالا مافيي شي كده اسال
مشاعر:اهاا (لما وصلوا البيت بدر قعد بالصالة مع اخته )
بدر:وش نسوي نشاهد فيلم ؟
مشاعر:خلينا نشاهد فيلم عن الملل
بدر:طيب وش نشاهد؟
مشاعر:ماادري انت شوف لك cd من الموجودين بالدرج
بدر:طيب وانتي وين رايحة؟
مشاعر:باروح اسوي لنا شي ناكله وش تبي؟
بدر:وشوو بتسوي ؟
مشاعر:باشوف الموجود
بدر:طيب (مشاعر راحت المطبخ تسوي الاكل)
بدر:اف وش اختار احترت (وهو يدور له فيلم من الموجودين بالدرج)
مشاعر:بددددددر !(تناديه وهي بالمطبخ)
بدر:وشوووو ميشو ؟
مشاعر:ههههههه لا بس بغيت اسالك شفت الينا فيلم
بدر:والله انا محتار
مشاعر:طيب وش الافلام الموجوديين ؟
بدر:ماادري انا احترت بين 3 افلام واحد اسمه twilight والثاني رعب اسمه saw والثالث كوميدي واسمه yes man
مشاعر:طيب انت وش الفيلم المصر عليه؟
بدر:مادري خلينا نشاهد twilight انتي وش رايش؟
مشاعر:انا رايي من رايك انت جهزه حتى نشاهده مع بعض
بدر:طيب (بدر حط الفيلم وجهزه وبعدها مشاعر طولت)
بدر:مشاااااااااااعر! (يناديها لانها طولت)
مشاعر:وشووو بدر؟
بدر:طولتي ماصار ده اكل
مشاعر:بدر انت بدي شاهد الفيلم وانا بعدين اجيك
بدر:ليش؟
مشاعر:يمكن اطول وبعدها تطفش
بدر:طيب (بعدها بشوي جت مشاعر وجابت الاكل وحطته على الطاولة )
مشاعر:وش رااايك يلا ابيك تاكل
بدر:ياسلام مسويه معكرونة باالباشا ميل
مشاعر:ايوه
(بدر ماقدر يتحمل منظر المعكرونة وعلى طول مسك الملعقة بياكل مشاعر مسكت ايده)
بدر:وشووو؟
مشاعر:ماشفت الفيلم جاهز بالاول جهز الفيلم
بدر:طيب طيب (بدر قام وجهز الفيلم وقعدوا مع بعض ياكلوا ويشاهدوا)
مشاعر:تدري هالفيلم له اجزاء
بدر:صحيح!
مشاعر:ايوه
بدر:زين والله المره الجاية نشاهد الجزء الثاني
(مشاعر ناظرت بدر وهو يشاهد الفيلم لقت تعابير وجهه غريبة)
مشاعر:بدر وش فيك تطلع كده ؟(ظل ساكت)
بدر:اف اف ياريتني مثل مصاص الدماء ده السبال مشقر نفسه (فجاة وبصوت عالي)
مشاعر:ههههههههه
بدر:انا ماقلت شي يضحك
مشاعر:اسكت بس اسكت طول الوقت معلق بالك عليه
بدر:والله قهرني (وقف في وجهه شاشة التلفزيون)
مشاعر:هي بدر تباعد خليني اشوف الفيلم
بدر:انا اشيله احسن اليي
مشاعر:بدر مو لهدرجة تغار وش فيها كله ممثل بنشاهد الفيلم اصبر شويي
بدر:طيب طيب(قعد محله يشاهد الفيلم وهو مو طايق البطل)
مشاعر:بدرووووا لاتخليني مره ثانية مااشاهد معاك افلام
بدر:طيب خلاص
مشاعر:بدر بطلة الفيلم مافيها عيب جميلة
بدر:لالا حتى لو حلوة ماابيها
مشاعر:الاول تطلعهم ويعجبوك والحين تقول ماتبيها ههههههه
بدر:ماابيها انا حصلت لي حبيبة (بدر طلعت منه بالغلط)
مشاعر:وشوووو؟ منهي البنت اللي خذت عقلك؟
بدر:اي بنت انتي واي خرابيط
مشاعر:لكن انت قبل شوي كنت تقول انك حصلت لك حبيبة
بدر:ها انا ماقلت شي خلنا نشاهد الفيلم (شاهدوووا الفيلم وبعد ماخلص رن جوال مشاعر ورفعته)
مشاعر:هلا
اصايل:اهلينات
مشاعر:اصوله وينش من يوم اختش صارت تسافر صرتي تسافريين معاها وماتجيبي خبرنا
اصايل:حبيبتي ميشوو فديتش تراني بالبلد انا مو مسافرة
مشاعر:صحيح!
اصايل:ايوه انا توني واصلة قبل اسبوع
مشاعر:توصلين قبل اسبوع وماتعطينا خبر!
اصايل:والله لو كنت بحالة زينة كلمتش
مشاعر:ليش خير وش صاير لش ؟
اصايل:لاتخافي كنت تعبانة بالطريق قبل لا اوصل عشان كده ماعطيتكم خبر ولما رجعت كنت تعبانة والحين
صارت حالتي زينة شوي
مشاعر:سلامات
اصايل:الله يسلمش
مشاعر:طيب دقيتي على ريم؟
اصايل:لا مادقيت الحين بادق
مشاعر:اهااا
اصايل:يلا اكلمك لما اشوفك
مشاعر:طيب باي (مشاعر خلصت مالقت الا بدر لازق جنبها)
بدر:من اللي يكلمش؟
مشاعر:بدر ليش لازق فيي وبعدين ليش تسال ؟
بدر:ها انا مو لازق فيش
مشاعر:ماكنت هنا قبل مااكلم صديقتي
بدر:لالا الظاهر انتي مخربطة انا كان مكاني هنا وبظل هنا
مشاعر:طيب طيب بس ماجاوبتني ليش تسال ؟
بدر:لا بس فكرته محمد
مشاعر:هههههه لا محمد ولا شي كيف اكلمه؟
بدر:يمكن تكلميه من ورايي
مشاعر:وش شايفني بنت شينة؟
بدر:ههههههه امزح معاش لا ماافتكرش بنت شينة مثل يوسف
مشاعر:طيب بدر ممكن اسالك شي؟
بدر:وشووو؟
مشاعر:يوسف وش علاقته بموت امي الله يرحمها؟(بدر ظل ساكت)
مشاعر:بدر وش فيك ساكت؟
بدر:مشاعر اقولش شي يوسف سبب موت امي لان يوم كنتي ببيت صديقتش كنت انا مع يوسف نتكلم مع بعض
وبعدها امي الله يرحمها كانت تشوفنا واحنا نتكلم وتسمع الكلام اللي بيننا انا كنت اتكلم معاه بخصوص التعذيب
اللي يعذبش اياه بكل ليلة وامي ماتحملت الكلام اللي سمعته مثل الصدمة بالنسبة لها وطاحت على الارض وبعدها نقلناها المستشفى وصار اللي صار
(بدر يتكلم والدموع تنزل من جفونه )
مشاعر:بدر صحيح الكلام اللي اسمعه؟
بدر:اي كل اللي صار بسببي انا احس اني قتلت امي بيدي انا ماعرفت شسوي بعد ماشفتها طايحة على الارض ارتبكت
انا وش اسوي...
مشاعر:بدر الذنب مو ذنبك (تكلمه وهي تمسح الدموع اللي نزلت من عينه بعدها مشاعر حضنته وقامت تهديه)
بدروهو رافع راسه)خلاص انا باروح غرفتي اجهز
مشاعر:ليش وين بتروح ؟
بدر:لا ما بطول بروح اشوف لي شغلة
مشاعر:زين
بدر راح غرفته جهز وطلع
....:كان يراقب بدر وهو طالع من باب بيتهم وشافه وهو راكب سيارته بعدها دق جرس البيت
مشاعر:بدر هذا انت ؟(فتحت الباب)
....:مفكرة روحش بتروحيين منيي (مسكها من شعرها )
مشاعر:الله يخليك اتركني لاتسويي فيني جذي
....وهو ماسكنها راح معاها للحمام اكرمكم الله بعدها قام يضربها بالطوف وبمراية الحمام )
مشاعروفي وجهها تعابير الالم والتعب )الله يخليك انا وش غلطت معاك ارجوك خليني اتركني
....:مسكها وضربها بالطوف مرة ثانية لين طاحت (بعدها طلع من البيت)

عائلة ريم:
ريم كانت قاعدة بغرفتها على لاب توبها وطربانة باغنية (انسى لماجد المهندس)بعدها دخل عليها اخوها محمد وقعد معاها على سريرها
محمد:ريم ممكن افتح معاش موضوع
ريم:خير محمد تفضل تكلم
محمد:شوفي ريم انتي تدري بعلاقتي مع صديقتش وانتي تدري اني احبها
ريم:ايوه
محمد:ريم انا خايف من اللي قاعد اسويه هل هو غلط ولا لا خايف ابدى ببداية وبنهايتها اهدم كل شي انا مااعرف وش اقول
ريم:محمد وشووو اللي خايف منه يامحمد اذا صديقتي تحبك وانت تحبها خلاص لاتفكر في الشي ده الحين وخلك منه
محمد:ريم انتي تتضايقين مني بالنسبة لموضوع صديقتش على اساس اني احبها
ريم:هههههههههه لا محمد ماني متضايقة ولا شي انتوا مناسبين لبعض تمنيتك تكون لها
محمد:ههههههه شكرا اختي
ريم:العفو
فجاة رن جوال محمد ورفعه
محمد:الوو
بدر:اهلين محمد شلونك ؟
محمد:الحمد لله بخير
بدر:متى بيطلعونك من المستشفى؟
محمد:طلعوني خلاص
بدر:صحيح متى ؟
محمد:اليوم بعد ماطلعتوا من عندي بشوي
بدر:اهااا
محمد:بدر وينك انت؟
بدر:ايوه رحت ادور وظيفة
محمد:اهااا بشر شفت لك وظيفة؟
بدر:ايوه شفت اليي شغلة حلوة
محمد:زين يلا الله يوفقك
بدر:عقبالك محمد
محمد:مشكور بدووور
بدر:طيب يلا باي
محمد:باي
محمد سكر الخط وطلع من غرفة اخته وقعد تحت

عائلة مشاعر:
بدر لما خلص قرر يرجع للبيت ولما وصل دق الباب بعدها ماحد فتحه بعدها فتح الباب بدر استغرب لان الباب كان مفتوح
بدر:مشاااااااااعر ...وينش حصلت لي وظيفة
بدر ركب فوق ورااح لغرفتها ماكان في احد موجود بعدها شاف باب الحمام مفتوح ودخل (اكرمكم الله )لقى مشاعر باالارض
ولقى كل شي ملطخ بالدم بدر من خوفه طاحت الاورااق الي كانت بايده وراح جنبها ومسك ايدها وحط راسها على رجله وهو فيه الصدمة
بدر:يتكلم بطريقة غريبة (مشااااعر لا لاتخليني ااصحي لا قولي اليي منو سوى فيش كده جاوبيني بعدها بدت تفتح عينها )
مشاعرتتكلم بتعب)بدر اذا انا خليتك ورحت انتبه لروحك ولا تخلي محمد يتركك ...لاتخلي محمد يتركك بدر
بعدها غمضت عينها وماعاد فتحتهم
بدر:لا لا مشااااااااااااعر (حضنها)انا لازم اسوي شي ماباخليش كده


1من اللي سوى بمشاعر كده وهل رح يعرفوه ؟
2هل رح تكبر العلاقة اللي بين بدر وريم اكثر؟
3هل مشاعر رح تموت ؟
4هل بدر رح ينتقم بعد مايعرف صاحب الفعلة اللي سووها بمشاعر؟